SKILMÁLAR MISTRA

I. GILDISSVIÐ

Þessir skilmálar gilda um sölu Mistra á vörum og þjónustu til neytenda, sbr. lög nr. 16/2016 um neytendasamninga og lög nr. 48/2003 um neytendakaup. Skilmálarnir taka til allra viðskipta í netverslun Mistra á www.mistra.is og í verslun okkar ef við á.

Allar upplýsingar í þessum skilmálum skulu túlkaðar í samræmi við íslensk lög.

II. UPPLÝSINGAR UM SELJANDA

Brisk ehf.
Kt. 660825-2070
Netfang: info@mistra.is

III. VERÐ OG GREIÐSLUR

Öll verð í netverslun Mistra eru í íslenskum krónum (ISK) og innihalda virðisaukaskatt og öll gjöld samkvæmt gildandi lögum. Mistra áskilur sér rétt til að breyta verði án fyrirvara vegna breytinga á gjaldskrám, gengi eða kostnaði frá birgjum.

Greiðslur fara fram í gegnum örugga greiðslugátt. Hægt er að greiða með:

• Kredit- og debetkortum
• Netgíró
  

Greiðsla telst fullnægt þegar staðfesting hefur borist frá greiðslumiðlara.

IV. AFHENDING OG SENDINGAR

Pantanir eru yfirleitt afgreiddar næsta virka dag eftir að greiðsla hefur borist. Mistra sendir vörur í gegnum Póstinn eða annan samþykktan flutningsaðila eftir vali kaupanda í lok kaupferlis.

Afhendingartími er að jafnaði 1–3 virkir dagar innanlands. Við pantanir yfir 5.000 kr. er sending frí innan Íslands nema annað sé tekið fram.

V. SKILAFRESTUR OG ENDURGREIÐSLA

Kaupandi hefur 14 daga frest frá afhendingu vöru til að hætta við kaupin, sbr. lög nr. 16/2016. Tilkynna skal Mistra skriflega (t.d. með tölvupósti á info@mistra.is) um ákvörðun um að falla frá samningi.

Vörum skal skila í upprunalegum, óskemmdum umbúðum og í söluhæfu ástandi. Ef varan hefur verið notuð eða skemmd getur endurgreiðsla verið lægri í samræmi við rýrnun á verðgildi vörunnar.

Neytandi ber sjálfur kostnað af endursendingu nema annað hafi verið sérstaklega samið. Endurgreiðsla fer fram innan 14 daga frá móttöku tilkynningar og vöru.

VI. ÁBYRGÐ OG GALLAR

Ábyrgð og kvartanir fara samkvæmt ákvæðum laga nr. 48/2003 um neytendakaup. Ef vara reynist gölluð skal kaupandi hafa samband við þjónustudeild á info@mistra.is innan hæfilegs tíma eftir að galli kom í ljós.

Ábyrgðin nær ekki til eðlilegs slits, rangrar notkunar eða skemmda sem rekja má til óviðeigandi meðhöndlunar. Ef vara er endurhlaðanleg getur endingartími hennar verið takmarkaður samkvæmt upplýsingum framleiðanda.

VII. TRÚNAÐUR OG PERSÓNUVERND

Mistra fer með allar persónuupplýsingar sem trúnaðarmál og vinnur þær samkvæmt persónuverndarlögum nr. 90/2018 og almennu persónuverndarreglugerðinni (GDPR). Upplýsingar um viðskiptavini eru ekki afhentar þriðja aðila nema samkvæmt lagaskyldu eða til þjónustuaðila sem vinna í umboði Mistra.

VIII. MARKPÓSTUR OG TILKYNNINGAR

Með skráningu á póstlista Mistra samþykkir viðskiptavinur að fá tölvupóst í markaðslegum tilgangi, svo sem til að fá innblástur, tilboð og fréttir. Hægt er að afskrá sig hvenær sem er með því að fylgja leiðbeiningum í hverjum pósti eða hafa samband á info@mistra.is.

IX. ÁGREININGSMÁL OG LÖG

Skilmálar þessir lúta íslenskum lögum. Komi upp ágreiningur vegna viðskipta við Mistra, er unnt að vísa máli til Kærunefndar vöru- og þjónustukaupa, Borgartúni 29, 105 Reykjavík, www.kvth.is. Einnig má vísa máli til Neytendastofu eða dómstóla á Íslandi.

X. FYRIRVARI

Mistra áskilur sér rétt til að breyta skilmálum án fyrirvara. Breytingar taka gildi við birtingu á vefsíðunni. Allar upplýsingar eru birtar með fyrirvara um prentvillur, tæknilegar villur í verði eða lýsingu og lagerstöðu.